معنى الكفاح لـ عثمان
بقلم : محمد عبد الرحمن عثمان
موقف غير حاجات كتير جوايا ..!!
وقفت تاكسى عشان كنت فى مشوار و مروح بيتنا ..
اول ما ركبت كان فى "قرآن" شغال بصوت عالى شويه بصوت ماهر المعيقلى ..
قولت "السلام عليكم" السواق مردتش عليا .. قولت اكيد بسبب الصوت العالى ..
فعليت صوتى اكتر و قولت "دوران رضا لو سمحت" ..
لقيته بيبصلى و بيبتسم وبيعمل بأيد علامه "اصبر" ..
لقيته ادانى ورقه و قلم ومكتوب على الورقه من فوق "حضرتك هتروح فين ..؟"
وفيها عناوين كتير اوى .. عرفت ساعتها انه "اصم"
فكتبت "دوران رضا" و اديته الورقه ..!!
وفضل ماشى وانا ابص فى ملامحه و هو يبصلى فأبص قدامى تانى .. كنت عايز
اتكلم معاه و اقوله حاجات كتير اوى بس كنت مُحرج منه جدا و مُحرج من نفسى
كمان ..!!
فأخدت الورقه قبل ما انزل و كتبتله "شكراً علمتنى معنى الكفاح" ..
ضحك و سلم عليا و كان فى عيونه كلام كتير حسيته من غير ما ينطق ..!!
ليست هناك تعليقات:
إرسال تعليق