تغطية وتحقيق :sara
تفاصيل موضوع هشام قنديل :
1 - عيل بتاع حمص شام في المنيل ضرب واد من فيصل امبارح ورنه علقة معتبره في الشارع
2 - الواد بتاع فيصل راح جاب 4من صحابه وخد عربية ربع نقل وراح علي المنيل النهارده
3- وصلوا المنيل ضربوا طلقتين نار من فرد محلي الصنع في الهوا "وياد يا ابن ال...ويا منطقة مفكيش راجل وبتاع "
4- طلع عليهم شبيحة المنيل راحت العيال هربانه بالعربية وحظهم المنيل بنيلة خلال موكب رئيس الوزرا معدي
5- الحرس لاحظ سرعة العربية وقفهم السرعة الشديدة دخلتهم في الركاب بتاع الموكب جه يتقبض عليهم فكرو انهم ناس تبع بتوع المنيل ضربو طلقتين في الهوا وخبطو عيلين من البياعين اللي في شارع التحرير واتقبض عليهم وراحوا اسم الدقي .
6- الظابط بيسالهم انتوا كنتوا عايزين تغتالوا ريس الوزرا اكبر واحد فيهم 22سنة قال ياباشا عليا الطلاق ماعرف مين الراجل اللي انت قلت عليه ده انا كنت رايح اضرب بتاع حمص الشام عشان نشني علقة امبارح .. عليا الطلاق مااعرفه :D
وادي اساميهم
1- . إسلام أبو بكر محمود عباس سن 22 قائد السيارة
2. حنفى حامد حسين سن 18 مبيض محارة
3. محمد على محمد سن 29 فنى تكييف
4. محمود محمد جاد عزاز سن 18
5. محمد أحمد محمد سليمان سن 21
ليست هناك تعليقات:
إرسال تعليق